Alsæla

Jæja komin tími á nokkrar línur hérna síðan seinast er ég orðin árinu eldri, alveg 22 ára! Afmælið mitt byrjaði á Dalvík á fiskideginum, ég og Damian fórum þangað með tengdó til að horfa á flugeldasýninguna. Svo keyrðum við í bæinn og duttum aðeins í það. Fórum svo niðrí bæ og þar var allt hálf dautt. Ég held að ég hafi aldrei séð svona fáa niðrí bæ á laugardagskvöldi og hvað þá um sumar en við skemmtum okkur þokkalega vel. Svo daginn eftir vaknaði ég nú frekar seint og við fórum í keilu, spiluðum pool og svo um kvöldið fórum við í mat til mömmu og fengum hamborgarahrygg, jammíjammí...

 

 Ég er búin að vera í fríi úr vinnunni allan ágúst og þvílíkur lúxus. Ég var reyndar að passa fyrir mömmu í 2 vikur næstum en það var bara gaman. Við strákarnir fórum í sund og lékum okkur bara. Mamma er búin að vera að vinna á Siglufirði og við fórum og heimsóttum hana aðeins. Hún fór svo aftur þessa viku og ég ákvað að fara bara með henni og við höfum það bara mjög gott hérna. Við vorum að koma úr sundi núna áðan og það er bara eintóm sæla

Nokkrar myndir af sætu bræðrum mínum í lokin

 

 

 

Í sól og sumaryl

Versló búin og áður en maður veit af verður sumarið það líka það er samt búið að vera alveg geggjað veður undanfarið! bara eins og maður sé í útlöndum.

En allavegana það er ekki mikið að frétta af mér. Ég er bara búin að vera að vinna síðan ég kom norður og haft það gott. Versló er svo búin að vera mjög fín, ég gerði nú ekki neitt á fös kvöldið en á lau kvöldið fór ég, Adda og Tinna á Friðrik V eftir að vera búin að drekka nokkra Mojito og svo niðrí bæ það var alveg ágætt en við entumst ekki lengi. Ég var komin heim um 3. Það var líka alveg viðbjóslega troðið í Sjallanum, það var ekki hægt að vera þarna, maður var bara troðinn niður. Það var samt alveg geðveikt gaman meðan við vorum að borða og svona, þá var mesta stuðið

En í gær fórum við svo á Akureyrarvöllinn til að byrja með og svo löbbuðum við heim, tókum eitt tívolítæki á leiðinni en fórum svo til Öddu og tókum okkur til og svona. Þar var líka drukkið Mojito (sem ég btw ELSKA). Við fórum svo svoltið seinnt niðrí bæ og Nadine kom með okkur í þetta skiptið. Við byrjuðum að fara á Kaffi Ak en vorum ekki alveg að fíla okkur þar og enduðum á Amour og þar var geðveikt gaman!!! Ég hef bara ekki skemmt mér svona vel lengi! Við vorum líka að fara heim um 6 leitið sem hefur ekki gerst mjög lengi hjá mér.

Dagurinn í dag er svo bara tekinn í leti nenni ekki neinu og er alveg heví þreytt.

 

Á næstuni er svo afmælið mitt:D og svo ætlum við mamma að fara í smá dekur saman, nudd eða eitthvað svoleiðis. Og svo er það bara að njóta þess að vera í fríi og þurfa ekki að vinna aftur fyr en í september

En jæja ég er of þreytt til að vera að standa í þessu. Bara take care

.

Komst ekki inn

Þá er það bara að bíða

Prófið búið og ég komin heim til Ak og það getur liðið allt að mánuður í að maður fái að vita úr prófinu!!! úfff fæ alltaf smá kvíðahnút við tilhugsunina...

En allavegana sama dag og prófið var búið fórum við Adda í bíó á Sex and the City og mér fanst hún æði!!! ekki frá því að nokkur tár hafi fallið en svo skellti maður nú líka uppúr nokkrum sinnum Svo daginn eftir fór ég og VERSLAÐI, keypti mér skó, 3 kjóla, bol, peysur, 2 hálsmen, snyrtidót og eitthvað fleira var alveg í skýjunum eftir þetta. Svo bara keyrði ég heim og það var föstudagurinn 13!!! ég lagði af stað um 18:00 og þvílík umferð. Svo þegar ég var að koma uppúr hvalfjarðagöngunum var svo löng röð og bíllinn minn byrjaði að rjúka upp úr öllu valdi, hann nebblega á það til að ofhita sig. En það rétt slapp til en ég titraði og skalf af stressi, ég hefði ekki verið neitt sérstaklega vinsæl ef hann hefði drepið á sér þarna í röðinni!!! og ef það hefði nú gerst eins og síðast, þá byrjaði að rjúka uppúr honum og vatnið úr vatnskassanum flæddi útum allt! en ég bara stoppaði þarna rétt hjá og hann jafnaði sig greyið. Svo hitti ég mömmu í Staðaskála því hún var á leiðinni suður og þegar ég var að keyra burt þaðan kom ég að einhverju slysi og það var bíll á hvolfi einhversstaðar þarna! ekki góð tilfinning. En ég komst heil á húfi heim... Það var reyndar keyrt aftan á Damian þennan dag, minn var ekkert sérstaklega sáttur.

Svo á lau skellti ég mér í smá sólbað sem endaði með því að ég grillaði mig og ég sem var að fara á djammið um kvöldið, en ég fór bara eins og kóteletta og skemmti mér konunglega, ég set örugglega myndirnar inn á myspace fljótlega. Úff hvað það var samt alltof mikið af fólki í bænum!

Núna sit ég hérna hálf dofin í kjaftinum því ég var að koma frá tannsa og í fyrsta skipti á minni ævi var ég með skemmd ekki gott... og þvílít óþæginleg tilfining að vera svona dofinn.

I don't want to be anything other than me...

Bara krúttlegur litli strákurinn, Jamie, í One Tree Hill í gær! við Adda vorum semsagt alveg að missa okkur yfir þættinum í gær. Ég verð að viðurkenna það að þó ég telji mig svona nokkurn vegin komna í fullorðina manna tölu, þá breytist ég í smástelpu við að horfa á þessa þætti. Í hvern hringdi Lucas!!!??? vonandi Peyton! ég er ekki að meika að bíða þangað til næsta haust eða jafnvel næsta vetur eftir næstu seríu!!! haha eins og þið sjáið þá er ég að tapa mér yfir þessu! Og eigum við eitthvað að fara útí hvað bæði Nathan og Lucas eru HOT!!! Grrrr....

Jæja útí alvarlegri málefni, prófið byrjar á morgun. 2 dagar, 3x2tímar á dag með klukkutíma pásu. Byrjar á náttúrufræði, líffræði, sálfræði, almenn þekking, eðlisfræð og efnafræði. Allt þetta á morgun. Ég hlakka samt alveg til að byrja þetta og auðvitað klára þetta. Þá er það bara versla versla verlsa og svo Ak city. Ja svona allavegana ef ég á eftir að eiga fyrir bensíninu, hvar endar þessi vitleysa, í 200kr eða??? þetta er orðið ófremdar ástand

Ég og Adda erum svo miklar húsmæður í okkur matardagbókin hérna fyrir sunnan hefur litið einhvern vegin svona út:

• Subway
• Fajitas, frá Serrano (held ég)
• Pizza, frá Pizza Hut
• Kjúklingréttur, frá einhverju austurlanda dóti
• Pizza, frá Castellos
• Núðlur, frá Nings
• Pizza, frá Pizzan
• Hambó, frá American style
• Pasta, frá Hröbbu og Öddu (sko okkur, elduðum 1x)
• Brauð

Þannig að varið ykkur, ég gæti komið rúllandi heim!!!

Enda þetta á vel völdum orðum úr One Tree Hill (en ekki hvað),

6 billion people in the world,

6 billion souls

And sometimes all you need is ONE

.

Ljón: Biddu mjúk og læknandi öfl að vernda þig frá þeirri tilfinningalegu þreytu sem hlýst af erfiðu verki. Og skyndilega er verkið alls ekki svo erfitt.

Úfff ég bið...

Bara 2 dagar í prófið og agalega er ég eitthvað orðin stressuð, kannski ekki beint fyrir prófinu sjálfu, heldur yfir því hvort ég kunni ekki nóg...

Allt að koma

• Bara 1 dagur eftir af námskeiðinu
• 3,5 dagar í prófið
• Það eru einhverjir krakkar hérna röflandi og hrópandi rétt fyrir utan
• Orðin aðeins meira stressuð
• Var að keyra heim frá prófinu í dag og það labbaði ein gæsafjölskylda í rólegheitunum sínum yfir götuna, þetta var agalega sætt, it made my day! Fyrst mamman, svo 5 ungar og svo pabbinn
• Fór í mat til ömmu í gær
• Var að passa systkyni mín áðan
• Á morgun förum við til Mögdu og borðum með henni og Berglindi
• Lokaþáttur One Tree Hill á mánudaginn, ég bara VERÐ að horfa!
• Jæja ætla að fara að lesa smá og fara svo að sofa í hausinn á mér

Sæbjúga

Það er nú kannski ekki beint mikið í fréttum síðan seinast... bara búin að vera að gera það sama, læra... Ég er reyndar svona orðin svoltið stressuð, sérstaklega þegar ég fékk að vita að það eru 250 manns að reyna að komast inní lækninn og aðeins 48 komast inn!!! Ég ÆTLA að verða ein af þeim (verður maður ekki að hugsa svoleiðis?). Ég verð bara að geta notað það sem ég kann. Þetta námskeið sem ég hef verið á er líka mjög gagnlegt. Fullt af góðum glósum og svona. Þetta verður spennandi, bara 5 dagar í að prófið byrjar.

Annars er bara voða fínt að vera hérna í Kópavoginum, hann er alveg þokkalega heillandi. Ég og Adda fórum í göngutúr hérna um dalinn um daginn og það var alveg afskaplega kósí. Það var líka geggjað veður reyndar og sólsetrið alveg þvílíkt rómó;) hehe en þetta er mjög krúttulegt hérna.

Svo í gær var ég að passa litla bróðir minn og frænda hans (son systir Dídíar) og það var fjör. Þeir eru 4 og 5 ára þannig að þeir voru vel sprækir. Algjör krútt! Svo í kvöld er ég að fara í mat til ömmu og á morgun verð ég aðeins að passa fyrir pabba aftur. Og svo er það bara að halda áfram að læra læra læra... núna er það bara líffræðin og náttúrufræðin eftir, ég var í einum líffræðitíma í dag og svo eru bara 2 dagar eftir af námskeiðinu.

Þegar maður er að læra svona er maður ansi duglegur við að kíkja smá á einhverjar síður ég er t.d. búin að vera mjög mikið inná mbl og þar er nú margt áhugavert. Meðal annars þetta ísbjarnamál, það eru nú víst ansi skiptar skoðanir á þessu. Átti að skjóta hann eða ekki... ég get nú ekki svarað þessari spurningu, ég er eiginlega á báðum áttum. Það er auðvitað ekki hægt að hafa hann á vappi þarna ef það stafaði einhver hætta af honum. En það þarf kannski að gera einhverjar ráðstafanir fyrir svona hlutum. Ég er viss um að þessar aðgerðir sem gerðar voru eru ekki eitthvað til að bæta ímynd landsins.
Svo var ég að sjá að krakkar undi 20 ára meiga ekki tjalda á Akureyri í kringum bíladagana. Ok þetta á að vera svo fjölskylduvænn bær, en hvað um unglingana og þetta unga fólk, það virðist oft gleymast. Mér fannst allavegana mjög takmarkað fyrir mann að gera þegar ég var yngri. Það var bara hanga niðrí bæ og eitthvað. Æji það er bara mín skoðun að einhversstaðar verða þessi grey að fá að vera. Það er auðvitað ekki gott þegar maður sér svona unga krakka á fylleríi en það er bara þannig að ef þau ætla sér að drekka, þá gera þau það. Þau fara þá bara eitthvert annað. Það væri kannsi hægt að hafa einhvern stað þar sem hægt væri að hafa eftirlit með þeim og hægt að reyna að koma eitthvað í veg fyrir drykkjuskapinn. Svo er það nú oft þannig að eldra fólkið getur verið miklu verra en yngra fókið en ég hef svosem eingin svör við þessu, en það þyrfti kannski aðeins að hugsa um þetta.

En jæja þetta er orðið fínt, ég er bara farin að bulla eitthvað því ég nenni ekki að halda áfram að læra en ég verðað drífa mig áfram. Þetta gengur allavegana ekki.

Hafiði það gott í sumri og sól

Rafeindaskipan

• Geggjað veður í borginni núna
• og ég sit inni að læra
• hvar lærðu Reykvíkingar og bara Höfuðborgarbúar að keyra á hringtorg?!? fólk er algjörlega útá túni hérna með það. Bara svínar fyrir og keyrir bara á einhverri akrein inná og einhverri útaf. Skamm skamm.. fariði á námskeið!
• Heiðmar kærastinn hennar Öddu er farinn útá sjó þannig að við erum bara búnar að vera 2 heima
• Keyptum bestu pizzu ever!! mmmmm... á Castello, eldbakaðar og bara geggjaðar!
• Fór í mat til pabba og Dídí á laugardaginn og fékk mjög góðan mat!
• Eigum við eitthvað að ræða það hvað systkyni mín eru orðin stór, sérstaklega systir mín! það verður sko ekki langt í að hún nái mér og hún er 10 ára!!! algjör risi.
• Á fimmtudaginn verð ég svo aðeins að passa fyrir pabba, það verður ágætt aðeins að gera eitthvað annað en að sitja inni og læra.
• Væri alveg til í að fara í sund núna en snillinn ég gleymdi sundfötunum á Ak.
• Maður er búin að vera svo "ferskur" og "smart" undanfarið í íþróttabuxunum og svona
• Erum við að tala um SVAKALEGAN eða AGALEGAN loka þátt í One Tree Hill næsta mán! get varla beðið... Lucas skamm skamm!
• Best að vinda sér í Efnafræðina.

Take care

Hehe varð að bæta einu inn, hversu skondið er þetta: http://mbl.is/mm/frettir/innlent/2008/06/03/logregla_a_slodum_isbjarnarins/
Það er augljóslega alltaf hægt að koma manni á óvart!! þvílík snilld, bjössi bara mættur

Ljón: Farðu yfir allt sem sem þú lærðir í síðasta mánuði um að spyrja spurninga, hlusta vel og ætla eins lítið og þú getur. Þú notar lærdóminn og það svínvirkar.
Hmmmm... á maður eitthvað að hlusta á þetta

raindrops

• Einbeitingaskortur á háu stigi.
• Agalegur skjálfti sem var í gær.
• Eðlisfræði. Þarf að segja meira eða???
• Mig langar bara obbolega mikið í föt. Ég er bara að hugsa um hvað ég ætla að kaupa mér þegar ég er búin í þessu prófi.
• Á morgun er það félagsfræði og sálfræði
• Er alveg að verða massa driver í borginni
• Langar í bíó á Sex and the City
• Bæði Adda og Magda eru búnar að bjóð mér með
• en ég verð félagsskítur til og með 12. maí
• Þá dreg ég the girls með mér á djammið! (4 nonblondes???)
• Þarf að fara að læra
• langar að taka þetta próf með trukki!!!!! og komast inn!!!!

Take care